Текст
ҚР премьер-Министрінің орынбасары Ералы Тоғжанов 30 қыркүйекке дейін балаларды мектептердегі зорлық-зомбылықтан қорғау бойынша кешенді жоспар әзірлеуді тапсырды
Мектептердегі балалардың қауіпсіздігі мәселесі ерекше маңызға ие. Мемлекет басшысы балаларға қатысты зорлық-зомбылық фактілерінің жол берілмейтіндігін атап өтті. 30 қыркүйекке дейінгі мерзімде нақты индикаторлары мен нәтижелері бар балаларды зорлық-зомбылықтан қорғау жөніндегі кешенді жоспар әзірлеу қажет.
Осыған байланысты Ералы Тоғжанов балалардың қауіпсіздігін қамтамасыз ету үшін қысқа мерзімде шаралар қабылдауды тапсырды. Атап айтқанда, әкімдіктер мектептерді күзетуге лицензияланған ұйымдарды тарту бойынша талаптардың сақталуын қамтамасыз етсін.